Report a problem related to object: Iterum aliquis ex ordine sacro a confusione Romanae Babylonis ad veram Dei civitatem se recipit, coelestemque veritatem, quam hinc sophistae, illinc apostatae suspectam reddere possent, ultro confessurus, et ab illo coetu, in quo homo peccati cum suo a superstitione, fastu et libidinibus infami clero tyrannicum in conscientias simul et in ecclesiam usurpat dominium, se segregatus, scelera magnae meretricis sangvine sanctorum ebriae, publice nobis recludet. Est ille Andreas Szadlowsky, canonicus Scarbimiriensis [...] nobilis Polonus, qvi cum in parochia, cui praeerat in vicina Pomerellia, a presbyteris Augustanae Confessioni addictis rationes fidei et orthodoxias nostrae intellexisset vi veritatis convictus Babylonem dereliqvit et XVI. Junii [...] M DC LII [...] in [...] illustris Gymnasii Auditorio [...] oratione solemni civitatem abominationum, cui Papa Romanum vi et fraude armatus praesidet, describere [...] constituit [...] officiose invitantur a Joh. Micraelio [...] Rectore Gymnasii Regii Stetinensis.